Please ensure Javascript is enabled for purposes of website accessibility
Logo Kusek

Kontrollutvalgssekretariatet i Vest-Finnmark IKS
Oarje-Finnmárkku Dárkkistanlávdegotti čállingoddi SGO

Dárkkistanlávdegotti ovddasvástádus ja barggut

Dárkkistanlávdegoddi lea láhkageatnegáhtton orgána mii fuolaha dárkkistanbarggu suohkanstivrra ovddas. Dárkkistanlávdegotti bargu lea dárkkistit suohkana doaimma, bearráigeahččat ahte suohkana doaibma čađahuvvo lágaid, njuolggadusaid ja mearrádusaid mielde, ja bearráigeahččat ahte revišuvdna dahkko gustovaš njuolggadusaid ektui. Dárkkistanlávdegoddi lea dan láhkái veahkkin sihkkarastime ovddasvástideaddji ja beaktilis hálddašeami, rabasvuođa ja álbmoga luohttámuša suohkana doibmii.

Dárkkistanlávdegotti fápmudus gusto dárkkistit buot suohkana doaimmaid, sihke hálddahusa, suohkanlaš fitnodagaid ja fitnodagaid maid suohkan eaiggáduššá.

Dárkkistanlávdegottis lea čuovvováš ovddasvástádus:

Dárkkistanlávdegoddi galgá:

  • buktit cealkámuša suohkana jahkerehketdollui ja jahkedieđáhussii
  • buktit cealkámuša suohkanlaš fitnodagaid jahkerehketdoaluide/ jahkedieđáhusaide (jus suohkanis leat suohkanlaš fitnodagat)
  • háhkat dieđuid suohkana rehketdoallorevišuvnna bargguid birra
  • ráhkadit plánaid hálddašanrevišuvnnaide ja eaiggátvuođadárkkistemiide
  • raporteret suohkanstivrii čađahuvvon hálddašanrevišuvnnaid ja eaiggátvuođadárkkistemiid ja daid bohtosiid
  • evttohit bušeahta suohkana dárkkistanbargui
  • evttohit suohkanstivrii revišuvdnaortnega ja revisora válljema hárrái
  • evttohit suohkanstivrii čállingotti dárkkistanlávdegoddeortnega

Dasa lassin galgá dárkkistanlávdegoddi bearráigeahččat ahte:

  • suohkanis lea dohkálaš revišuvdnaortnet sihke rehketdoallorevišuvnna ja hálddašanrevišuvnna ektui
  • revišuvdnamearkkášumit čuovvoluvvojit
  • suohkana ekonomalaš hálddašeapmi doaimmahuvvo gustovaš njuolggadusaid ja mearrádusaid ektui
  • čađahuvvojit hálddašanrevišuvnnat ja eaiggátvuođadárkkisteamit
  • suohkanstivrra mearkkašumit hálddašanrevišuvnnaide čuovvoluvvojit
  • suohkanstivrra mearrádusat rehketdoallorevišuvnna, hálddašanrevišuvnna ja eaiggátvuođadárkkisteami ektui čuovvoluvvojit

Dárkkistanlávdegoddi raportere dárkkistanbargguid ja -bohtosiid njuolga suohkanstivrii.

Dárkkistanlávdegoddi sáhttá:

  • čađahit guorahallamiid maid oaivvilda dárbbašlažžan

Maid dárkkistanlávdegoddi ii bargga:

  • Dárkkistanlávdegottis ii leat váldi rievdadit politihkalaš vuoruhemiid maid suohkana álbmotválljen orgánat leat mearridan dehe eará suohkanlaš orgánat
  • Dárkkistanlávdegoddi ii leat váiddaorgána, ja lávdegoddi ii meannut eaŋkaláššiid. Suohkanis lea sierra orgána mii meannuda váiddaáššiid. Dárkkistanlávdegoddái sáhttá aŋkke cavgilit eaŋkaláššiid birra, vai dárkkistanlávdegoddi sáhttá árvvoštallat lea go dárbu guorahallat doaibmasuorggi dehe bálválussuorggi

Lassi dieđut dárkkistanlávddegotti ovddasvástádusa ja barggu birra:

Oarje- Finnmárkku suohkaniid dárkkistanlávdegottit leat miellahtut dárkkistan ja bearráigeahččan forumas - Forum for kontroll og tilsyn Liŋka FKT

Gieldda- ja guovlludepartemeantta bagadus dárkkistanlávdegottiid ovddasvástádussii ja bargguide - “Kontrollutvalsboka- om rolla og oppgåvene til kontrollutvalet , 3. Utgåve“ Liŋka kontrollutvalgsboka

Liŋka suohkanláhkii kommuneloven

Liŋka Lovdata

Liŋka revišuvdna ja dárkkistanlávdegotti láhkalasáhussii forskrift om revisjon og kontrollutvalg

Álgui

Diehtojuohkin

EHF-faktura
Organisašuvdna nummár
991 520 759

Váldoredaktevra
Kate M. Larsen

Oktasaš e- poasta:
post@kusek.no

Giella

Eará

© Design By Designu

©

KUSEK IKS –

2025